കയ്യാല

ഇവിടെ ഒരു കയ്യാലയുണ്ടായിരുന്നു.

അവിടെ ജീവിച്ചിരുന്ന ഒരു വെല്ലിപ്പയുണ്ടായിരുന്നു, എനിക്ക്.
ഒരിക്കൽ,
ഒരു പീടികത്തിണ്ണയിൽ  -
ചതുരംഗം കളിച്ചുകൊണ്ടിരുന്ന അദ്ദേഹത്തെ,
നിരപ്പലകകൾ പൂട്ടുന്ന ഓടാംബലകൊണ്ട്,
പുറത്തടിച്ച് വക വരുത്താൻ ശ്രമിച്ച -
ഒരു എളാപ്പയും ഉണ്ടായിരുന്നു, എനിക്ക്.

പിൽക്കാലത്ത്,
അർദ്ധബോധത്തിൽ, അർദ്ധനഗ്നനായി,
തിമിരം ബാധിച്ച കണ്ണുകളുമായി,
നിസ്സഹായനായി,
കാൽനടയിൽ എന്റെ തറവാട്ടുവഴിയിലൂടെ കടന്നുവന്ന -
എന്റെ എളാപ്പയോട് ,
അകത്തേക്ക് കയറിയിരിക്കാനായിരുന്നു എന്റെ വെല്ലിപ്പ പറഞ്ഞത്.

പിന്നീട്,
മരണം വരെ, ഇരുവരും,
ഉറങ്ങിയത് ആ കയ്യാലയിൽ...!

_ ലുഖ്‌മാൻ.പി


"ഓടാംബലകൊണ്ടടിക്കുമ്പോഴും അവനറിയില്ല,
ഇതു  തൻ  ഒടുങ്ങാത്ത
ഓർമ്മകൾ  തൻ
ഒടുക്കത്തിൻ തുടക്കമാണെന്ന് ...!"

_ പി.വി.എം.എ. സത്താർ