ഇന്നലെകൾ! തെളിവുകൾ!

ഇന്നലെകളിലയാൾ സഞ്ചരിച്ചിരുന്ന വിവധ പാദകളത്രയും.
ഇന്ന് മാഞ്ഞുതുടങ്ങിയിരിക്കുന്നു.

അന്നയാളുടെ ചോരവാർന്നുറച്ചുപോയ മണ്‍കൂനകളൊക്കെയും.
ഇന്ന് പൊടിപടലങ്ങളായി തീർന്നിരിക്കുന്നു.

അയാളുടെ ഗന്ധം ശ്വസിച്ച് ആർക്കൊക്കെയോ ജീവൻ നേദിച്ചിരുന്ന-
കടൽകാറ്റിനിന്ന് ചലനമറ്റിരിക്കുന്നു.

അയാളുടെ കണ്ണീരിനാൽ അന്ന് പ്രളയം ബാധിച്ച നാട്ടുരാജ്യങ്ങളൊക്കെയും പക്ഷെ-

ഇന്ന് സമൃദ്ധിയുടെ വൻകരകളായിത്തീർന്നിരിക്കുന്നു!

ഇന്നലെകളിൽ നിന്ന് അവനെ തേടിക്കണ്ടെത്തുക ശ്രമകരം!
അവന്റെ ഇന്നലെകൾക്ക് വിരളമായിരുന്നല്ലോ തെളിവുകൾ പണ്ടും!