താങ്കളെക്കുറിച്ച് ഓര്ക്കാറുണ്ട് ഞാന്.
പലപ്പോഴും തോന്നിയിട്ടുണ്ട്, ഞാന് -
തന്നെയാണ് നിങ്ങള് എന്ന്. പക്ഷെ,
എന്നേക്കാള് കൂര്മ്മബുദ്ധിയും
വക്രബുദ്ധിയും കാപട്യവും നിങ്ങള്ക്കുണ്ട്.
എന്നിരുന്നാലും അനാദരവ് തോന്നിയിട്ടില്ല.
ഒരുപക്ഷെ വരുംകാലങ്ങള് എന്നെ പഠിപ്പിച്ചേക്കാം,
നിങ്ങളെപ്പോലെ ആവേണ്ട ആവശ്യകതയെക്കുറിച്ച്.
ഒരു കാര്യം ഉറപ്പ് തന്നെ,
ഞാനും താങ്കളും ഒരേപോലെ ദുര്ബലര്,
സ്നേഹരാഹിത്യത്തില് അതിതീവ്രമായി നോവുന്ന
വെറും ദുര്ബലചിത്തര് !
കാരണം, ഞാനും നിങ്ങളും ഏറ്റവും ആഗ്രഹിച്ചതും,
കൈവരിക്കാന് സാധിക്കാത്തതുമായത് ഒന്ന് തന്നെയാണ്,
സ്നേഹം !
No comments:
Post a Comment